قصيدة " الفتونة والحبيبة "
مالك ومالي سيبني في حالي
ما أنا راجل مغلوب على أمري
ما كلي همي أربي عيالي وعايش ومعايا همي
مطرح ما أروح وتوديني رجلي أدور علي لقمة العيش لجل ولدي
محتار بحزني أوريه للناس ولا أشيله جوه قلبي
متقرب عليا واحكيلي حكايتك يمكن أقدر في يوم اساعدك .. جرب ومش هتخسر حاجة تعالي قرب كمان واقرب هنا جنبي
ما أنا تعبت زيك كتير وأخرتها جبت مخدتي وريحت راسي ونعست ياه دا الليل طويل .. والنهار عليا طلع مع صوت الموال ومعاه الناي الحزين وساقية دايره وطاحونة عم الشيخ الزيني وزحمة عليها كتير من بنات الحي
مددت إيديها علي كتفي .. فتحت عينيى لقيتها صبحة وخدودها تفاحتين وبسمتها راحة للبال آه يا بوي
مَدحت الصبية بحسن جَمَاِلها خَجل مُحياها خلا القلب عليها يميل .. مالت عليا وقبلتني علي الجبين
من يومها عايش بحلم جميل أبقي فتوة وبين ذراعي أخدها علي حصاني وهو يرقص بينا فرحان علي غنوة العرسان بالدق علي الطبل والدفوف وزغروطة طلعة من بين الشقوق تشق طريقها لدرب الهوي
مهما طلع علي أتنين يخدوا مني الجميل لمرغ تراب مداسها بيهم وبالنبوت راح أصيب اللي يقرب من لمس توبها دا شرف ولا نسيتوا مين هو شرف الدين
من كام سنة بحسبها ويا خسارة نسيت أقولها كلمة سامحيني بس أقولها بعد أيه ما راحت هي مني
ما تسيبيني نايم أحلم كده يمكن يطلعلي مارد يقولي شُبيك لُبيك نفسك في ايه أقوله أبقي فتوة يا هوه
ما طلع ولما سألني قالي كل ده ليه ؟؟؟!!! قولت علشان أحمي حبيبتي مين اللي يفكر في يوم بغدره عليها يميل ما أنا في دنيا ساكن وباحلم بيوم جميل ويا عالم بكرة راح أكون فين؟ ما هو زمن الفتونة والحبيبة
تعليقات
إرسال تعليق