اني. الي كسرته
ومارضه يجرحك
واني الي جنت
الما تحجي ويسمعك
كتلك عله چتافي
اصعد ولا تخاف
ماثق بيها خاف الكاع
لاتوگعك
كتلك توفي
كتلي وداعتك ماخون
ادورك وانته تهوه
الرايد يضيعك
واني شكد نصحتك
وانته ما اهتميت
كتلك عوفهم تسمع
وما تجاوب
اعزل لا تفوت
بحرب وتحارب
مو بالشده تعرف
صاحبك لو راح
بس بالمصلحه يبينلك
الصاحب
واني شكد نصحتك
وانته ما اهتميت
كتلك مشو كتلي
لا يتانوني
كتلك تنجرح كتلي
يداوني
عفتني ومن رحت
ماكتلي
راح تروح
اجذب وانت كتلي
وداعت اعيوني
على كلن بعد
لا تردلي اذا جرحوك
بعد ما عندي چف
يوافق يجمعك
ولا اسهر واشوفك
بحظن غيري تنام
وانه بعتك خلص
من بعت ما ارجعك
باچر راح اذكرك
بالي شفته وياك
وظل ابچي
قهر يالجنت تتمضحك
الشاعر د. رواد سالم
تعليقات
إرسال تعليق