من مذكرات سوسو
الحقوق محفوظة S. B
يا ليل
يا ليل خذني اوروح عا ضياع القمر
حتى ابحبيب الروح لك متّع نظر
اوقلب انترك هونيك ما عنو غنى
اوحب اوحنين اوشوق وغٰناني مطر
اوخدني معك لرفيق أيام المضوا
اولسنين ماض ابرفقتو حب انقضوا
اولرجاع ليل اونام والزند ارتضوا
اوقسمة سوا أحلام شيطان اوحضر
خدني معك تنٰعود لك نسهر سوا
اوعا سطيح بيت اشقد احباب اوحوى
اوحبقه بِ عطر انفاس مرجح يا هوى
اوضمي لَ صبح اتنين عا مقعد حجر
مشتاق إرجع وبٰ حبيب اوإلتقي
الغيرو ما ضل ابقلب اولا الغيرو بِقي
اوحتى لعيوًني قول فيكي اتصدّقي
اوحاجي بقى أحلام وخٰيال اوصور
بعد اوغياب اوطال يا دموع كرجي
اويا اقمار ليل اتطَلعي وتٰفَرجي
اويا اوجاع قلب اوآخ متروح اوتجي
اوأيوب صبر اوقلب بالشوق انفجر
حلم انقضى ولٰ حب ما عمر انقضى
ورغم الزعل رغم الجفا عاشوا ابرضى
اولتنين صاروا لّهَا الدني فَراشي ابفضا
اولطٰيور عش اونايمي ابحضن الشجر
اويا ليل خدني اوروح عا ضياع القمر
الشاعر عبد الكريم سلامه
الملقب بكريم أبو نصري
تعليقات
إرسال تعليق