الشاعر الهادي عباس .. تونس 🇹🇳 كتب ظلم الزمن

--------- ظُلم الزمن... ------ بين ماضي قديم ما قادر يفارق عيني وبين واقع أليم جرّ السعادة معاه وبين فكر شارد في داخله وحزين صدمه الزمن ومن الحلم صحّاه ............................... هكّة تعدّا عمري بين الألم والألم سطور تعدّت سنيني تجري في طريق واسع ماتعطّلت في مرور ثابت معاها في الحياة بصبري و غير صبري ما تحمله بقية صدور كاتم..وصائن قدري محتاط جدا لعلّ الزمان يدور والعكس يتناغم معايا هواه ساري في دمي صداه وبالصمت...ما سألتك يا زمن علاه؟ .................................. عبٍيت الهموم جمعت وسرّحت الخطى وين تلقى الحل وطلقت الخيال بعيد وتوسّعت... بجسم فاني من الوجع تعل ثابت الخطى في السير ما تسرّعت لقيت الخلاء جمّع همومي الكل عرفت الخلاء... وعلى الخلاء تعرّفت بحمول ثاقلة ما يقدر عليها جمل شكيت...وحكيت من الوجع ما شفت ردّ الصدا...اَرجع يا ولدي إياك لا ترحل اِطوي القديم أنساه تفكّر كريم الجاه وعيش شامخ كيف النّخل في علاه ............................... بين ماضي قديم ما قادر يفارق عيني وبين واقع أليم جرّ السعادة معاه وبين فكر شارد في داخله وحزين صدمه الزمن ومن الحلم صحّاه الهادي عباس- تونس