الشاعر حسن الشوان
أتاري الجوع مش من العيش
ولا الدموع من الاوجاع
عايشين لخبطه اسمها مفيش
ومش عارفين إيه معنى ضياع
إتولدنا نكبر ونعيش
وإتعلمنا الحروف انواع
فى عز الصعب ناكل قراقيش
ونحابى على بعض من الضياع
والأصالة جوانا حتى النخاع
وعمر ما حد فينا مره جاع
وعمر الجوع ما يخلينا هيش
ولا فى أى مزاد كمان نتباع
والهووا يبحترنا مع الريح
ونعيش فى حياتنا مجاريح
مش لاقيين صرخة تصحيح
تحرك فى عرووقنا الصراع
عمر العصافير ما خنقوا بعض
ولا كانووا حمل على أى حد
ولا دمهم يوم سال ع الأرض
ولا كان بينهم فى مره نزاع
الجووع إنك متبقاش إنسان
ولا ليك كرامه منبعها القرأن
كرمك ربنا بالعقل والميزان
وخلق كل حاجه ليك متاع
وأصعب دموع لحظة الوداع
.........................................
......... حسن الشوان 🇪🇬 ........
تعليقات
إرسال تعليق