الكييف والدخان بقلم الشاعر صلاح شعبان الفيداوي
القاهرة ٢٦/٦/٢٠٢٣
==== الكييف والدخان ====
الآن أنا قلقان
وف راسي كتير قلبان
مش عارف أعمل إيه
جايز أكون تعبان
الآن أنا قلقان
الفكر مهوش شغال
ولا عندي راحة بال
ولا داري بأي حال
لا زمان واللا مكان
والعقل ف التوهان
الآن أنا قلقان
بسأل ناس ماشيين
أنا أصلا رايح فين
قالوا هات اللي معاك
وخليك في النسيان
الآن أنا قلقان
الدنيا بيا تدور
بأشوف الظلمة ف نور
والقلب تعبان مقهور
والريق مر وعطشان
الآن أنا قلقان
شايف أشباح قدامي
ولا عارف اي أسامي
وحياتي حزينة درامي
م الكييف وم الدخان
الآن أنا قلقان
بقلمي
صلاح شعبان الفيداوي
القاهرة
٢٦/٦/٢٠٢٣
تعليقات
إرسال تعليق