كتب قصيدة لسة بتقولي بحبك د. عبدالناصر جبريل
د. عبدالناصر جبريل محمد
الأديب والشاعر سفير السلام العالمي
لسة بتقولي بحبك وعينيها مقلتهاش
لسة بتحاول تمسك ايديا وقلبي مطاوعهاش
لسة بتكلمني وعقلي في حتة تانيه عامل ميعرفهاش
لسة السنين باقية وانا ساكت والحزن جوايا باكتب مذكراتي ومعبرتهاش
لسة جوايا حنين لماضي اقوله أرجع معايا مرجعنيش
لسة صورة حبيبتي قدام عيني بتناديني خيالها قدامي شمعة متطفيش
لسة صوتي بيغني بيها وحلم حياتي أمسك إيديها وفي دنيا تانية يلا بينا نعيش
لسة فاكر أخر كلمة ليها بحبك وعينيها مليانة دموع والناس رايحة وجاية بتبص علينا ولا تختشيش
لسة هرفع صوتي وقلهم دا حلمي اليوم وبكرة اللي عمره مينتهيش
تعليقات
إرسال تعليق