حاسبني بقلم الشاعر صاحب الجياشي

حاسبني٠٠ ٭٭٭٭٭٭٭٭٭ ما اكره ابنادم لو كرهني و نهار العيد اصيرن لليحبني وما شحيت ابد وي الشح عليّه٠٠ وسد مايي وگطع هرشي وگطعني واشتم بالنميمه منين ماچان٠٠ و من اگدر اسامح للشتمني وارد حگي لو عد السلاطين٠٠٠ و اعرف بالنشد والمانشد عني وادري بالوكت يتغالب وياي٠٠ بس ما طيح لو مره غلبني ٠ اضحك علتي لو رادت اتون٠٠ ونيمنه الاعزه بسط عيني و خلصه من الرديه الرادني الها٠٠ وما ذبه مثل ما هوَ ذبني وسهل الكلفه للكلفه المعصيه٠٠ وأكبر بالعيون الزغرني واوازن بالشدايد شدتي وين٠٠ واحلها اشما عصت فوگ التمني واشكن بالظنون البيهن اشكال٠٠ وصل للحقيقه البيها ظني جدام الشماته حزني يضحك٠٠ وسكتت بواچيي تغني ٠ وهمومي من الطفوله رافگني وسبعين العمر بيهن عيّرني اشاگف بالجروح جروح دنياي٠٠ وصلت للملاوه ومالوني لوين تريد بيّه بدرب مسدود٠٠ وانا اعرف دروبي ويعرفني تتفنن عليّه بقسوتك ليش٠٠؟ و ماكل طيبتي وبيها متهني حاسبني عله امس والگبله واليوم٠٠ وخل باچر لوكته لو وصلني التاريخ ما كتبوه لجدام٠٠ أريد اتعاب اسنيني الجزني لا تنطي الاخذته محالل وماهوب٠٠ بس انطيني راحة بال مني ٠ بقلم الشاعر صاحب الجياشي